ஞாயிறு, 7 டிசம்பர், 2014

காத்திருக்கிறேன் ...!




பூங்காக்களில்
புல்வெளியின் மேல்
பனிபோல் உறைந்துவிட்ட என்னை
உருகவைத்த விடியலே உனக்காக

கடற்கரையில்
மணலில் உன்பெயரெழுத
கடலலைகள் அதை அழித்துவிட
நினைவலைகள் எழுதிவிட

திரையரங்கில்
ஜோடிகளின் மத்தியில்
தனிமையாய் உன்னோடிருந்த நாட்கள்
கண்ணெதிரே திரையில் ஓட

துணிக்கடையில்
முன்குவிந்து கிடக்கும்
புடவையை பொம்மைக்கு
போர்த்தி அழகு பார்த்தபடி

மழையில்
துப்பட்டாக் குடைபிடிக்க
துணையில்லாது  மழையில்
மணல்குதிரையாய் என்காதல் கரைய

உணவகங்களில்
பசியின்றி
பெண்மான் தாகம்தீர்க்க
காத்திருந்த ஆண்மான்போல் உண்ணாமல்

கருத்துகள் இல்லை:

கருத்துரையிடுக